Ուրախ եմ ողջունել Ձեզ Լեռնային Ղարաբաղի Հանրապետության մայրաքաղաք Ստեփանակերտի ինտերնետային կայքէջում: 

Հուսով եմ, որ այստեղ Դուք կգտնեք քաղաքապետարանի գործունեության հետ կապված անհրաժեշտ տեղեկություններ, ինչպես նաև կկարողանաք ստանալ Ձեզ հետաքրքրող հարցերի պատասխանները:

   Կարևորելով հասարակության հետ համագործակցության  սերտացման և հրապարակայնության ապահովման անհրաժեշտությունը, կայքէջում պարբերաբար կտեղադրվեն քաղաքապետարանի գործունեությանն ու մայրաքաղաքի հիմնախնդիրներին առնչվող նյութեր: Տեղ կգտնեն նաև Ստեփանակերտի զարգացման ռազմավարական նշանակության ծրագրերը, ավագանու որոշումները, հասարակական հնչեղություն ունեցող տարբեր նյութեր: Կայքը կձգտի հանրությանը տեղյակ պահել տարբեր ոլորտներում իրականացվող գործընթացներին, օպերատիվ տեղեկություններ կհաղորդի քաղաքային  իշխանության ձեռնարկումների մասին:

   Գաղտնիք չէ, որ երկխոսության թափանցիկությամբ և հրապարակայնությամբ է պայմանավորված ժողովրդավարական գործընթացների զարգացումը երկրում, այդ թվում` մայրաքաղաք Ստեփանակերտում: Հետևաբար, ամեն ինչ կարվի` ամրապնդելու և խորացնելու փոխվստահությունը, արդարացնելու ընթերցողների ակնկալիքները: 

 

 

Սուրեն Գրիգորյան